Mbreti dhe këpucët

Njëherë e një kohë na ishte një mbret që drejtonte një vend të pasur. Një ditë, ai dëshironte të vizitonte çdo cep të vendit të tij. Ai shkoi në çdo fshat dhe qytet të largët. Kur u kthye përsëri në pallatin e tij, u ankua për rrugët sepse këmbët e tij ishin plot dhimbje për shkak të rrugëve me kalldrëm. Prandaj, mbreti urdhëroi njerëzit e tij që të mbulonin çdo rrugë të vendit me lëkurë të butë.

Mbulimi i çdo rruge me lëkurë do të kërkonte shumë lëkurë lopësh. Kështu, për ta bërë këtë, do të harxhoheshin shumë para.

Pastaj, mbretëresha i tha mbretit: “Pse do të harxhoni shumë para për këtë? Ju thjesht mund të prisni një copë lëkure dhe t’i mbuloni këmbët tuaja, në vend që të mbuloni çdo rrugë? “

Ky sugjerim e befasoi mbretin, ai mendoi se mbretëresha kishte të drejtë dhe bëri një palë këpucë për vete.

Morali: Ne nuk mund ta ndryshojmë botën por mund të ndryshojmë veten.