Miqtë e Verbër dhe Elefanti
Dikur ishin gjashtë miq të verbër që jetonin në një fshat në Indi. Sapo ishin ulur për drekë një ditë, kur dëgjuan fëmijët e fshatit të thërrisnin të emocionuar: “Një elefant! Nje elefant! Ka një elefant pranë burimit të ujit!”
Gjashtë miqtë vendosën të vizitojnë burimin dhe të njihen si duket një elefant duke e prekur me duar. “Mund të jetë e dobishme për ne ta dimë,” tha një nga miqtë, me mençuri.
Ata u nisën për te burimi e ujit, por, ndërsa iu afruan elefantit, njëri nga miqtë u rrëzua dhe ra në anën e trupit të tij.
“Uau,” tha ai, duke ndjerë anën e elefantit me duart e tij. “Mund t’ju them se ky elefant duket tamam si një mur me tulla dhe është po aq i madh sa një mur!”
“E ke gabim!” tha shoku i tij, i cili deri tani po rrotullonte bishtin e elefantit. “Ky elefant ka një trup të hollë sa një litar!”
“Aspak,” tha një tjetër nga miqtë, i cili po përkëdhelte noçkën e elefantit. “Është shumë më i butë se një litar ky elefant është njësoj si një gjarpër.” Dhe e lëshoi shpejt.
“Për çfarë po flisni?” foli shoku i katërt, i cili po mbërthente bririn e elefantit. “Ky nuk është gjarpër, është i gjatë, i mprehtë. Ky elefant mban një shtizë dhe ja një e dytë!”
“Mos u bëj budalla,” tha shoku i pestë, i cili mbante këmbën e elefantit. “Nuk ka asgjë për t’u frikësuar këtu, gjithçka që mund të ndiej është një trung peme i fortë. Ky elefant nuk do të na bëjë asnjë të keqe!”
Dhe më në fund shoku i gjashtë bertiti: “Asnjëri prej jush nuk ka të drejtë. Kam gjetur një freskore këtu dhe po më mban të bukur dhe të lezetshëm!” Ai qëndronte poshtë njërit prej veshëve të mëdhenj të elefantit.
“Pa kuptim!” tha shoku i parë dhe të gjithë u grindën në një debat të zhurmshëm se si dukej elefanti.
Së shpejti, fëmijët që po luanin aty pranë, erdhën për të parë se për çfarë rrëmujë ishte bërë.
“Pse po grindeni?” pyeten ata.
“Ne nuk mund të pajtohemi se si duket ky elefant,” tha një nga miqtë dhe secili filloi të shpjegonte atë që kishte parë me duar.
“Epo,” thanë fëmijët, “të gjithë keni të drejtë! Secili keni prekur një pjesë të ndryshme të elefantit, kështu që të gjithë keni parë diçka të ndryshme. Thjesht bashkojini të gjitha dhe do të keni një elefant!”
Miqtë e verbër ndiheshin budallenj sikur të kishin dëgjuar njëri-tjetrin në vend që të grindeshin, do ta dinin se si dukej një elefant shumë më shpejt!